Simplylife Bakery Cafe (Moved) New Location

接近聖誕節想食西餐慶祝，揀左食simplylife。揀左一個肉眼扒同一個冬䕃公有機糙米飯。跟餐(加錢)可以加湯同冰茶。咁啱今日係女朋友鍾意既磨菇湯，所以就決定試下。上主菜前有包送，法包比較硬，又凍凍地，但好彩湯接住到，浸住包黎食就剛剛好。磨菇湯本身係幾濃菇味，食到啲攪碎左既菇粒唔係齋湯，算有啲口感，但略嫌唔夠creamy，都算唔錯既。肉眼扒幾大份，薯條唔多，黎到既時候已經涼左，啲薯條食落口淋淋地，配菜一般，個扒叫五成但上到黎血水多到漏出黎(未切都成pat血水係碟) ，好彩平時食得生既，所以都接受到。塊扒外層煎得幾香口，肉質都算嫩！反而冬䕃公飯有驚喜！個汁係偏酸無乜辣，加上食得出有啲泰國香料一齊煮，幾特別，都有啲海鮮，雖然啲海鮮普普通通！但其實呢個份量都幾少，隻碟好淺，啲飯煮得唔夠淋，但好彩勝在汁既味道補救。又一城黎講，性價比算係okay，如果飯既分量多啲就再好啲！同埋加湯同野飲要30$ 再加一，埋單成四百零蚊，大時大節先會食。