Video
Read full review
2007-07-19
5 views
一大早去安息禮拜, 接二連三的離別, 只係知道, 憑著愛, 一定有出路.安息禮拜之後, 愛得太遲之前, 有三個鐘時間. 因為要買定飛出營後看綠怪, 就六個人來了這裡. 對面試得多, 今次就過馬路. 其實食物都係以港式飲茶為主, 不過又加了些川菜係當中.驚入營後無得食, 所以都叫得好多. 現只記下有特別感受的幾樣.椒鹽九肚魚: 8分, 好香口, 炸得不算油膩, 大家短時間清掉這碟.白灼油菜: 7分, 菜心都幾新鮮, 唔老.夫妻肺片: 8分, 好辣, 好麻, 但其實好入味. 始終想叫一樣川菜, 唔係好像來這食有點運吉. 但大家都係麻麻這些不太吃慣的食物, 好彩有弟兄J幫忙去清. 無辦法, 小弟已經盡力了. 再吃就成個口都麻.譚魚頭蝦餃皇: 8分, 用店名去押上的蝦餃, 有蝦的鮮味, 蝦餃皮不太厚, 不錯.綠茶馬拉卷; 8分, 不知為何大家對這碟無乜興趣, 問責制之下, 小弟差點要吃盡一籠綠茶馬拉卷, 好彩有好兄弟F同J幫忙. 其實這個綠茶卷好香綠茶味, 淡淡然的感覺, 很清心的. 大家誤會了.貴妃雞餐: 7分, 有貴妃雞半隻, 灼油菜一碟, 上湯米線一窩, 貴妃雞算幾靚, 肉不鞋, 黑肉部
安息禮拜之後, 愛得太遲之前, 有三個鐘時間. 因為要買定飛出營後看綠怪, 就六個人來了這裡. 對面試得多, 今次就過馬路. 其實食物都係以港式飲茶為主, 不過又加了些川菜係當中.
驚入營後無得食, 所以都叫得好多. 現只記下有特別感受的幾樣.
椒鹽九肚魚: 8分, 好香口, 炸得不算油膩, 大家短時間清掉這碟.
白灼油菜: 7分, 菜心都幾新鮮, 唔老.
夫妻肺片: 8分, 好辣, 好麻, 但其實好入味. 始終想叫一樣川菜, 唔係好像來這食有點運吉. 但大家都係麻麻這些不太吃慣的食物, 好彩有弟兄J幫忙去清. 無辦法, 小弟已經盡力了. 再吃就成個口都麻.
譚魚頭蝦餃皇: 8分, 用店名去押上的蝦餃, 有蝦的鮮味, 蝦餃皮不太厚, 不錯.
綠茶馬拉卷; 8分, 不知為何大家對這碟無乜興趣, 問責制之下, 小弟差點要吃盡一籠綠茶馬拉卷, 好彩有好兄弟F同J幫忙. 其實這個綠茶卷好香綠茶味, 淡淡然的感覺, 很清心的. 大家誤會了.
貴妃雞餐: 7分, 有貴妃雞半隻, 灼油菜一碟, 上湯米線一窩, 貴妃雞算幾靚, 肉不鞋, 黑肉部份幾嫩滑同入味, 米線一大窩, 六個人分剛好.
芋茸飛天豬: 7分, 飛天豬, 只想到前立法會議員. 這個炸得比較油, 但都熱辣辣, 幾可口的.
香蕉豆沙卷: 8分, 小小香蕉味, 再加上豆沙, 又幾匹配.
干炒什菇肥牛炒河粉: 8分, 炒得幾香口, 但係都唔算多油. 牛肉炒得不太老.
食物水準不俗, 坐得都幾舒服, 價錢合理, 都算係附近飲茶的好選擇.
食飽起程.
Post
