滿屋日本料理 (Closed)

原來已經好耐冇食過放題，今日心血來潮拉咗男朋友陪我食，佢哋嘅放題品質一直都好好。佢哋除咗可以喺紙上面點各種食物，仲有自助區可以攞各種嘅冷盤、海鮮、小食、甜品同飲品或者酒類。而佢哋放題食物嘅種類亦都好多，有各種嘅刺身、壽司、天婦羅、燒物、鍋物同小炒，我最鍾意嘅係佢哋嘅豉椒炒蜆同避風塘魷魚，食得出有鑊氣而且好新鮮，而串燒亦都好惹味，燒雞翼外皮脆卜卜，而佢哋會定期轉換廚師推介，今次就有竹笙雞絲翅，都唔錯，可惜我唔食醋😢。最後每人可以送一個雪糕，真係好抵食。