緣聚鮮鍋 (Closed)

一向大食嘅我最鍾意食放題，因為唔使諗要食啲咩，價錢合理，多種選擇，飲品任飲，又唔會驚唔夠食，只會飽到一個點。今日去咗呢一間位於荃灣大鴻輝叫做緣聚鮮鍋，地方夠晒闊落，刺身壽司區，海鮮火鍋了區，熟食區，甜品飲品應有盡有。地方非常闊落，位同位中間都有足夠嘅空間走動。刺身區：三文魚，帶子，牡丹蝦三樣都非常新鮮，我最愛嘅係三文魚，切得非常厚，啖啖肉，夠肥美。壽司區：有10多款比你揀，打邊爐之前可以食少少打下底，有小朋友嘅就非常適合。打邊爐：湯底都有咁多款，只有鴛鴦鍋係要加錢。我選擇咗日式豬骨湯底，貪佢夠簡單，將最新鮮嘅食材616就可以食。蔬菜區：擺設得非常精美，菜嘅種類都非常多，好新鮮。漿料有好多款，指天椒同生蒜係我打邊爐必食嘅薄切豬肉片：口感一流，好濃豬味，唔會有雪藏味，食多幾件有着數。牛肋肉，肥到適中，有好感，牛肉味好重，打邊爐必食推介。如果仲未飽有好多麵類推介。自己炸嘅響鈴特別好味，新鮮出爐熱辣辣。飲品當然係任飲啦，包括啤酒。