真味鮮廚 (Closed)

之前bookmark左呢間餐廳好耐，因為見佢夠多野食又可以無限時，啱曬我呢個大胃王。餐廳位於亞太中心，位置方便，上到去地方好大夠闊落，光線好夠。我地一行4人叫左個龍蝦餐，一於食豪啲！首先黎嘅係雞煲，雞煲好足料，勁多件，調味好正帶小小辣，最抵讚係雞肉超滑，件件都係甘嫩，我地最後清曬。食緊雞煲嘅同時，會有一個好豐富嘅刺身拼盤，入面有三文魚，帶子，鮑魚等等。三文魚好新鮮同日本舖頭嘅無分別，鮑魚好軟淋，唔韌真係好驚喜！食完雞煲之後，可以開始打邊爐啦，我地叫左皮蛋莞茜湯，諗住無甘熱風。湯底清甜，激多皮蛋同莞茜。打邊爐附送一個4人份嘅海鮮拼盤同埋安格斯牛，仲有4隻秘製餃。拼盤有齊曬龍蝦，膏蟹，蟶子，斑塊等。全部海鮮都好新鮮，當然最愛龍蝦，食半隻唔夠喉呀。安格斯牛雪花分佈好平均，入口重牛味而且軟滑，係靚牛。餃子係大大粒，入面好大粒蝦，彈牙爽口。除左呢啲野食外，其他普通火鍋配料都可以任叫，應有盡有，我推介蝦滑，彈牙好味，仲有韮菜餃，好足料食落好香。飲品方面好多選擇，有茶，有韓國類飲品，啤酒同埋一大壺竹庶矛根。整體好滿意，服務員姐姐好nice，我同爸爸呢兩個大胃王都食到投降啦，超滿足。