狂野麻神麻辣火鍋 (Closed)

好耐都冇同我媽咪一齊打邊爐啦，聽我朋友介紹尖沙咀附近原來有一間幾好嘅火鍋店，咁啱同媽咪去完做按摩就嚟咗呢間火鍋店打邊爐。本身佢都話唔嚟，但我同佢講話好抵食，佢聽到只係$288就可以食到個精緻親民套餐就即刻應承🤣本身我哋兩個都冇抱大大期望，但求質素正正常常。但估唔到呢個價錢有咁多食物揀，仲要比起出面貴價錢啲嘅火鍋店高質素好多。首先值得一提嘅就係佢嘅牛肉盛，估唔到竟然有勁多種唔同嘅牛肉，打邊爐識食一定係食牛小排🥰最鍾意食肉嘅我梗係要食肉質最鮮嫩又肥美嘅啦！而媽咪就鐘意一口牛，因為夠咬口，又重牛肉香味。之後海鮮都幾多唔同款，全部鮑魚都俾媽咪食🤣佢話超級肥美，一咬落去就食到麻辣湯底啲汁必出嚟，正！