Video
Read full review
2013-06-21
426 views
比食評中既「冰燒三層肉」所吸引, 就同男友黎左呢度食 可能係閒日, 拎左飛之後無幾耐, 企門口果位侍應小姐就叫我地入去...點知...一入到門口係無人帶我地去個位度囉 由門口去到我地個張檯, 其實只係行廿幾三十步就到....但係我都要分別問2次唔同既人..我個張檯係邊...仲要我問佢地個陣都無意慾帶我去..基本既服務都無.. 咁講下我地叫左咩先, 分別有「冰燒三層肉」, 「蠔油北菇扒津白」同埋「荷香污糟雞」.冰燒三層肉好好食, 皮脆肉嫩唔死咸, 無令我失望 不過78蚊得9塊有D貴...蠔油北菇扒津白係最失望既一碟..D汁好稀好似水咁, 津白掛唔到D汁所以好淡...好似分別食緊蠔油北菇同烚津白 荷香污糟雞一般, 雞好滑, 但只係得少少荷葉味.食飯期間, 侍應都2次主動加茶, 服務方面算係加返少少分.但係好難接受到無帶位咁基本既服務 野食方面, 可能我地叫錯野食..? 得冰燒三層肉係值得推介.同埋真係唔太抵食, 份量偏少, 係銅鑼灣區搵差唔多價錢既上海菜...仲有其他選擇
可能係閒日, 拎左飛之後無幾耐, 企門口果位侍應小姐就叫我地入去...
點知...一入到門口係無人帶我地去個位度囉
由門口去到我地個張檯, 其實只係行廿幾三十步就到....
但係我都要分別問2次唔同既人..我個張檯係邊...仲要我問佢地個陣都無意慾帶我去..
基本既服務都無..
咁講下我地叫左咩先, 分別有「冰燒三層肉」, 「蠔油北菇扒津白」同埋「荷香污糟雞」.
冰燒三層肉好好食, 皮脆肉嫩唔死咸, 無令我失望 不過78蚊得9塊有D貴...
蠔油北菇扒津白係最失望既一碟..D汁好稀好似水咁, 津白掛唔到D汁所以好淡...好似分別食緊蠔油北菇同烚津白
荷香污糟雞一般, 雞好滑, 但只係得少少荷葉味.食飯期間, 侍應都2次主動加茶, 服務方面算係加返少少分.
但係好難接受到無帶位咁基本既服務
野食方面, 可能我地叫錯野食..? 得冰燒三層肉係值得推介.
同埋真係唔太抵食, 份量偏少, 係銅鑼灣區搵差唔多價錢既上海菜...仲有其他選擇
Post
