王牌冰室 (Closed)

搵食市集終於開左，當然要逐間試下，門口睇餐牌確實無乜選擇，仲要早、午、下午茶同晚餐款式差唔多，只係唔同時段既價錢有分別，但都不妨一試佢既推介飯。 特濃牛乳炒滑蛋叉燒蝦仁雙併飯 (配甜豉油) - 賣相唔錯，蛋夠香同滑，蝦仁並非雪藏蝦 (仲有四大隻)，叉燒味道當然不能媲美燒味店果d，但亦唔差，有肉味同厚。 爆香葱油炸豬扒飯 - 有三大塊豬扒，厚身，但葱油太多，好油好漏好heavy... 油到有d反胃，所以食唔出爆香味...另外餐廳內都幾大油煙，d櫈都幾污糟。