泰亭 (Closed)

星期五晚間間食肆都要排隊，朋友好肚餓，見呢間有位就入咗去，點知...入面格局比想像中逼，亦好嘈，同朋友傾計有時唔係好聽到佢講咩。食泰國菜指定動作當然要食pad thai啦！一上碟，嗯... 賣相實在一般（所以冇影相放唔到上嚟）都唔緊要，一食入口，好濕...明顯炒得唔夠乾身。隻大蝦先最出事...我真係未食過咁霉嘅蝦...仲要有啲疑似係屎嘅一點點黑色黐住，放過我啦... 我寧願佢用急凍蝦仁...我哋仲叫咗個小食併盤，大部分都普通正常嘢，冇咩特別，唯獨是個單骨雞翼最「驚喜」。一食落口：哇！辣到好似玩緊懲罰遊戲咁，食咗一啖都要狂灌水...我同朋友都幾鍾意食泰國菜，無諗過泰國菜都可以伏到咁...呢個故事教訓我哋，幾肚餓都好，記住入餐廳前點都要OpenRice 下先！