滷川長 (沙田廣場) (Closed)

#今晚食乜餸 困擾萬千煮婦嘅世紀難題今日終於有解答～晚市堂食最快一個月後先恢愎，外賣食得多、菜式又煮勻哂，開始無貨嘅話可以一試依間新開張嘅麻辣/滷水食品外賣店，所有包裝食物都係made in Hong Kong！〔推介！〕❝口水雞半隻❞ ($68)辣度係口水雞黎講算頗溫和，食開譚x五小辣嘅話係剛剛好嘅辣。寫明半隻但放到上碟比一般燒味鋪嗌半隻雞份量稍為多。肉質唔嚡口，雞皮滑溜，雞肉醃料入味，醬汁有麻香，餸飯一流。〔推介！〕❝紅油脆耳❞ ($36)豬耳愛好者非常滿意！紅油豬耳最怕過麻或過辣，因為豬耳本身無味，醬汁調配比例稍稍失衝就好影響菜式味道。店鋪出品嘅豬耳口感柔韌帶嚼勁，爽脆味鮮，絕佳的餐前涼拌小食。❝夫妻肺片❞ ($45)首嚐以牛心、牛舌、牛肚、牛肉等部位製成嘅夫妻肺片，醃料非常濃味但無掩蓋牛肉本身味道，處理得宜。個人最愛爽口牛肚！❝麻辣油❞ ($26)看門口之選～無論係煮飯麵定煮餸，想惹味少少又唔鍾意死鹹的話就可以大派用場。𓂃𓈒 𓂂𓏸 用餐提示 𓏸𓂂 𓈒𓂃無論涼拌或翻熱享用都無問題，今次選擇咗涼拌，係初夏食辣嘢都係涼拌比較舒爽～另外要留意因為全部所有食品都係每日新鮮製造，無添加防腐