Video
Read full review
2022-10-25
31 views
串Grill 自助燒烤專門店📍旺角廣華街2-20號翠苑大廈2二期10號舖前排陪朋友睇完龍珠劇場版之後，大家都想去家樂坊見下巨大版悟飯，同佢打下卡，所以我哋約咗喺附近嘅自助燒烤店食午餐放題。 💰$238一坐低店員俾咗一盤頭盤我哋，同我哋示範咗一定點樣放串燒，仲有介紹唔同嘅醬料。除咗有喺臨燒起嘅時候塗燒肉醬，我呢啲重口味人士當然有落埋佢嘅孜然粉同胡椒鹽啦，落咗味道即刻昇華！星期日喺旺區食到咁飽，又有咁多款式真係好抵食，同朋友聚會嘅話會再約呢嚟度，因為可以好懶咁等啲串燒自己轉，同朋友點傾都得，而且佢係用熱管，所以就算係小朋友嚟食都唔使擔心危險。佢加加埋埋都有成40幾種嘢食，仲有多款飲品任君選擇，以下落嚟就介紹吓一啲令我特別印象深刻嘅嘢食啦：芝士腸 🌭芝士腸雖然普普通通，但佢個爐受熱好平均，令到啲芝士腸脆得嚟唔會爆漿，咬落去啲芝士爆曬出嚟，好味！荷蘭豬五花 🐖平時我好怕食肥肉嘅，無論食小菜定係打邊爐，一有過多嘅動物脂肪我都會搣咗先食，但係呢度嘅豬五花經過串燒爐烤完之後，脂肪變得非常香口，豬皮位置亦好趣，我一啖都食晒，超推介！蝦卷 🦐佢嘅顏色偏橙，細細粒，睇落似泰式蝦餅，識落冇咁重味，都幾彈牙，
📍旺角廣華街2-20號翠苑大廈2二期10號舖
前排陪朋友睇完龍珠劇場版之後，大家都想去家樂坊見下巨大版悟飯，同佢打下卡，所以我哋約咗喺附近嘅自助燒烤店食午餐放題。
[價錢 Price]
💰$238
一坐低店員俾咗一盤頭盤我哋，同我哋示範咗一定點樣放串燒，仲有介紹唔同嘅醬料。除咗有喺臨燒起嘅時候塗燒肉醬，我呢啲重口味人士當然有落埋佢嘅孜然粉同胡椒鹽啦，落咗味道即刻昇華！
星期日喺旺區食到咁飽，又有咁多款式真係好抵食，同朋友聚會嘅話會再約呢嚟度，因為可以好懶咁等啲串燒自己轉，同朋友點傾都得，而且佢係用熱管，所以就算係小朋友嚟食都唔使擔心危險。
佢加加埋埋都有成40幾種嘢食，仲有多款飲品任君選擇，以下落嚟就介紹吓一啲令我特別印象深刻嘅嘢食啦：
芝士腸 🌭
芝士腸雖然普普通通，但佢個爐受熱好平均，令到啲芝士腸脆得嚟唔會爆漿，咬落去啲芝士爆曬出嚟，好味！
荷蘭豬五花 🐖
平時我好怕食肥肉嘅，無論食小菜定係打邊爐，一有過多嘅動物脂肪我都會搣咗先食，但係呢度嘅豬五花經過串燒爐烤完之後，脂肪變得非常香口，豬皮位置亦好趣，我一啖都食晒，超推介！
蝦卷 🦐
佢嘅顏色偏橙，細細粒，睇落似泰式蝦餅，識落冇咁重味，都幾彈牙，唔錯。
雞卷肉 🐓
呢個雞卷肉冇得彈！肉質超滑，陳皮包住晒肉汁，一串有兩嚿，好食到我哋叫咗十幾串！
雞皮 🐓
雞皮一串有好多㗎，烤嘅時候建議大家燒耐少少，佢嘅雞油會被熱力迫晒出嚟，雞皮變得好脆，咁樣就最好食啦！
雞蛋仔 🥞
甜品方面呢個雞蛋仔好特別，佢係一粒一粒咁吉住呢燒嘅，佢就唔係太似雞蛋仔，反而口感同味道就似迷你嘅熱香餅，可以一試！
棉花糖 🍬
有食開BBQ都知臨尾要食返棉花糖嚟收尾啦，同樣因為受熱平均嘅原因，成嚿棉花糖嘅表面都考得非常焦香，而且佢嘅棉花糖好大粒，食嘅時候仲可以拉絲添！
Post
