滋味靚湯

Open Now

Now Closed

作為現代女性，每日返工已經好攰，收工通常都出街食或者外賣，但成日都比屋企人話唔健康，於是買咗懶人湯包試下「自己煮」。海参鮑魚紅棗椰子花膠椰奶雞湯湯味清甜，一包份量有兩碗，雖然無湯渣，但飲落去感覺好濃郁，感受到好足料，唔係味精湯。如果自己煮應該要煲好長時間，但買湯包可以節省時間到10分鐘就完成。四川麻辣雞中翼（花生）對我唔食得辣嘅人而言味道偏辣，但屋企人覺得剛剛好，分量充足（有八隻），有花生碎，餸飯一流。柱侯冬菇炆極腍五花腩好鍾意個醬汁，冬菇同五花腩好入味，冬菇炆到好腍，五花腩肥美。份量兩個人食剛剛好。