Video
Read full review
2019-07-05
477 views
收工同朋友過來食飯，見過呢間餐廳介紹，感覺幾過癮，見價錢唔貴，所以想試試。原來係呢個位，有印象！潮鮮薈喺2樓，行樓梯會經過火鍋店。餐廳面積唔算好大，但幾闊落嘅坐得舒服，尤其是應該係新開冇耐。除左梳化位，仲有一般方枱，基本上4人座位主，完全唔逼。佢地仲有間大房，不過當日有人訂座，就見唔到可以坐幾人。每張枱上面有好多工具，話明自助燒烤，當然唔少得燒烤爐，靠兩邊發熱線燒烤，爐底加有水，基本上唔會有煙自由控制火力，不過基本上都要開到最大。仲有個timer，方便你計住時間。枱面上有多款醬料，例如豉油、沙嗲醬、韓燒醬同蜜糖燒肉汁，我最鐘意燒烤搽蜜糖，好有風味除左醬料，仲有調味粉，包括椒鹽、孜然、紅椒、岩鹽、淮鹽、七味粉。因為唔係每款材料都有醃，客人可以自己選擇加邊款調料，好方便。我諗有好多人同我一樣，又想去燒烤，但一來怕熱啦，二來又「懶」，連拎枝叉都唔願，呢度其實即係懶人燒烤，只要將串串放喺輸送帶上，佢就會自轉，燒到好均勻。收費方面連同服務費埋單無記錯係480蚊，嚐鮮價，放題120分鐘關於燒烤時間，枱面上有紙可以參考，但其實大家有bbq開，大約都感覺到時間嘅。配料方面全自助，凍櫃入面有哂一枝枝串好
每張枱上面有好多工具，話明自助燒烤，當然唔少得燒烤爐，靠兩邊發熱線燒烤，爐底加有水，基本上唔會有煙
自由控制火力，不過基本上都要開到最大。
仲有個timer，方便你計住時間。
枱面上有多款醬料，例如豉油、沙嗲醬、韓燒醬同蜜糖燒肉汁，我最鐘意燒烤搽蜜糖，好有風味
除左醬料，仲有調味粉，包括椒鹽、孜然、紅椒、岩鹽、淮鹽、七味粉。因為唔係每款材料都有醃，客人可以自己選擇加邊款調料，好方便。
我諗有好多人同我一樣，又想去燒烤，但一來怕熱啦，二來又「懶」，連拎枝叉都唔願，呢度其實即係懶人燒烤，只要將串串放喺輸送帶上，佢就會自轉，燒到好均勻。收費方面連同服務費埋單無記錯係480蚊，嚐鮮價，放題120分鐘
關於燒烤時間，枱面上有紙可以參考，但其實大家有bbq開，大約都感覺到時間嘅。
配料方面全自助，凍櫃入面有哂一枝枝串好嘅燒烤，分肉類、丸類、蔬菜類等等。肉類有羊肉、雞腎、牛柳粒、雞翼、雞脆骨、豬柳、煙鴨胸、多春魚、腸仔、台灣腸等等，串得幾靚仔。
呢D串燒全部任食，自取不求人，食幾多拎幾多，夠哂新鮮。牛丸、獅子狗、芝士腸、蟹柳等一般燒烤配料。仲有翠玉瓜、秋葵、大菇等，有菜有肉。
新開張優惠，每位送半隻龍蝦，正上枱時已經用油爆過，直接放喺串燒下嘅網上，燒大約10分鐘，然後搽D附上嘅蒜蓉，肉質有彈性，免費來講，唔錯。
然後我地隨便拎左D野來燒，乜都有D，燒腸仔最快啦，餓嘅可以頂頂先，頭尾會熟得快D，自行調較位置台灣腸油到不得了，好脆朋友好鐘意。
其次我地鐘意雞翼同雞脆骨，唔會醃到好鹹，加少少孜然、辣粉，好食。不過起碼等左20分以上。
蔬菜類會快D，不過留意串與串之間唔可以話擺得太近，否則會kick住轉唔到，有D要燒得比較耐嘅食物，例如肉類。
兩個鐘頭時間，我地燒左幾十串嘅都有，開頭會食得急D，後來都係慢慢等。
等食途中可以利用火鍋醫肚，default湯底係麻辣，不過放心，味道比較淡。
鴨血、毛肚可以打邊爐，甚至乎其他串好左嘅配料都得嘅其實。
飲品任飲。
Post
