潮鮮薈自助燒烤專門店 (Closed)

一去到見到任食串燒區，款式眼花繚亂，揀左幾款就開始燒，台上有燒烤指南教客人點燒先係最惹味香脆。燒左十分鐘，我地就茶左餐廳提供既蜜糖燒肉汁同秘制沙爹醬落雞翼、雞腎、煙鴨胸試。燒烤枱既旋轉台令到食物唔只得一邊燒到，仲可放18款不同既食物落旋轉台，燒左大約14分鐘，陣陣香味傳出， 雞翼肉質嫰滑，咬落仲會爆汁添。試埋送既龍蝦，同蒜蓉醬好夾，龍蝦膏滿溢，色澤鮮艷，好惹味。飲品區方面有大約10款不同既飲品比客人選擇，服務方面，侍應會好細心咁教客人燒出最好食既海鮮，整體性價比都幾高，強烈建議4人同行食，因為會送貴妃蚌、鮑魚、牛肉粒、蠔、 大帆立貝、馬友魚等等，勁吸引。