時新漢堡飽 (Closed)

帶細路仔去黃埔花園嘅playhouse玩，咁一個人就出去行下食下野。經過見到時新漢堡包就諗起當年（十幾年前）,讀理工大學朋友嘅高度推介。日期係星期六時間為四點左右，佢有下午茶餐，咁我都係叫返以前最大嗰份雙層芝士蛋漢堡，連薯條加飲品大約六十幾蚊。新舖頭比以前闊落好多，亦都好乾淨。先喺收銀機落單攞張飛，然後就等叫number，職員都好友善。大約等咗五分鐘已經拎得。個味道就基本上同以前一樣，首先個包好新鮮，食落個味係唔錯。我覺得可以改善就係塊肉如果可以紮實少少就好好多，另外如果煎蛋係半熟嘅話我會覺得係完美。坦白講如果你就咁拎個漢堡包出去面比，佢未必會贏，但係我覺得係食緊一種香港嘅情懷。