老夫子餐館 (Closed)

好嘅餐廳，一次係食唔晒佢咁多款式嘅嘢食，起碼幾次先可以試晒咁多款唔同嘅款式嘅嘢食。通常喺出邊我就唔會食肉醬意粉，因為自己煮嘅肉醬意粉都好容易。但係今日就忽然間想試一試，出嚟個樣可能並唔係太吸引，但係食落去非常之多肉碎，個味道好濃，仲有一大舊芝士係中間，熱食嗰陣時候食仲會有拉絲。另外仲叫咗一個鮮茄焗豬扒飯，焗豬扒飯係我朋友嘅最愛，去到邊度有呢一個飯嘅話都一定會叫。粒粒分明嘅飯，惹味的鮮茄汁，還有蕃茄蓉。豬扒薄而軟身，有陣陣蛋香。還有今晚嘅主角瑞士汁雞翼，一隻隻雞翼顏色又靚又有光澤又肥美，瑞士汁嘅味道非常之好食。入邊嘅雞肉仲好嫩滑，我覺得最犀利嘅就係佢嘅雞翼尖都炆到非常之淋，好易食。每一次嚟到呢到都好中意睇拒唔同的佈景，好似呢張海報就係漫畫中的其中一個畫面，既有風味，又能懷舊。