得如酒樓 (Closed)

唱K團一晚苦戰後，聲嘶力竭，散Band前先祭五臟廟為妙，星爺的意見是到老酒家：得如，眾人暈暈噩噩的，在無反對票下就拉隊去試下。行開附近都會被那磅重機吸引，講真，可以將佢放入博物館收藏，門後入兩蚊搖兩野的電動飛船，香港地都幾難搵得返咁懷舊的玩意，當然，懷舊還懷舊，除非阿隔離屋個死o靚仔得罪你，否則都係敬而遠之。估唔到舊酒家都有電梯，搭上一樓，熱的要命，阿叔話樓上啦，樓上有冷氣呀，見唔到有雀籠，無留下的理由，轉戰樓上。掛著亂影一番，吉檯多的是，卻見柴娃娃卻四圍穿插，原來是想找個較涼的位置，冷氣忽冷忽熱，又是特色之一。早茶，老規矩，有乜叫乜，蝦餃、燒賣、蝦／叉燒腸、煎三寶（魚餅、蘿蔔糕、鮮竹卷）、馬拉糕，阿姐落力的推介裹蒸粽，份量大得嚇怕人，好意心領；腸粉端出來時阿姐又問要唔要加油，相信無幾多酒樓可以見到咁既場面，再加埋油膩膩的煎三寶，怪不得食客絕大部分都是中年人士，最特別的是燒賣，豬肉加蝦加蟹籽，是潮流之作。又瞄瞄環境，貼著嚴禁吸煙的牌，四周卻是煙霧迷漫，幾滑稽，倒不如貼張廿年前光頭阿叔的經典廣告：「如果當日唔食煙，今日就唔會係度同你講野」好過。懷舊照：http://www.imagest