小時光 (Closed)

叫咗台式牛肉便當$60，夜市香酥雞便當$58，東坡肉套餐$58，炸花枝丸$35，酥炸豆腐$30，2杯荔枝梳打$35杯，1杯蘋果梳打$35 （所有便當套餐味道都較為清淡，沒有什麼特別，感覺好似家庭菜）（炸物一般，都是沒有什麼特別）（梳打都係一般枝裝飲品）沒有驚喜，沒有什麼特別.....另外叫咗宇治抹茶蒙布朗$38（冇咩抹茶味），五分半熟巧克力蛋糕$42 （好味，但太細件）*朋友係自助餐具枱上，攞咗隻黃色膠杯飲水，當飲完後先發現原來隻杯好污糟，內有白色滑潺潺， Cream狀物體，唔記得影低，都幾肉酸。另外玻璃碗同玻璃杯都係崩咗嘅.......好多擺設都封晒塵，枱面盞燈都係，感覺好污糟。另外有一邊枱同櫈都好矮，坐得好唔舒服。自助形式，好似我哋叫咗幾樣嘢食咁，個掣一響就要出去攞嘢食，但每樣嘢分開出，如果同朋友食飯傾計就真係幾分心，傾5分鐘計就要行出去攞嘢，總共行咗6轉，d嘢食到齊，但講多兩句，d嘢食就好快凍晒，好似感覺係一大兜煮定晒咁，食物唔夠熱。