金山海鮮酒家

Open Now

Now Closed

睇完戲， 從旺角行去去油麻地 ，大概15點20分鐘左右 。地點就係喺永安百貨後面街。除咗樓下鋪位， 鋪位旁嘅樓梯可以行上去，閣樓同一樓都係屬於金山嘅。我們被安排到係一樓嘅地方用餐。由於人少，只可以叫兩三碟餸。例湯係竹蔗茅根螺頭煲瘦肉 。人少叫最細嘅。 一煲細嘅大概可以分到6小碗。另外再上湯渣，例湯夠清甜 ，唔似落咗味精 。雖然話有螺頭， 但係螺頭嘅味道就唔算好濃 ，但飲落好舒服，飲多幾碗都得。京都骨拼豬大腸京都骨嘅味道正正常常 ，豬大腸冇臭味。好可惜個皮唔夠脆， 咬唔開 ，要扣分。鍋貼鮮蝦小棠菜炸皮包住小棠菜蝦膠 ，煎炸得外皮脆卜卜 ，入面就彈牙 ，好好食食唔停口。魚湯魚滑浸菜苗魚湯浸白菜上面有墨魚滑同鯪魚滑。 一致認為墨魚滑好食過鯪魚滑， 魚湯同菜苗合格冇乜特別。餐廳嘅侍應大多數係叔叔嚟嘅 服務都周到。