巴黎冰室 (Closed)

一諗起尖沙咀好自然會諗起購物先，但今日行過見到一間裝修好懷舊既冰室，咁當然要試下啦。叫左一個晚飯套餐，先上一碗番茄蛋花湯，平時好小飲湯既我，抱住試下既心態，點知一試就愛上左。番茄十分鮮甜，微酸帶甜味，蔥花同蛋既配合令到湯既味道更濃。酸酸甜甜十分開胃。到主菜啦，豬扒荷葉飯。可能係蒸太耐既原因，飯有d太水太冧。但可以接受。飯既味道岩岩好，唔算好咸，有蝦味調味，冬菇完全入曬味，好重菇味。豬扒厚道剛好，豬扒偏瘦，煎得好香口，有食完又想再食既感覺。總括黎講外觀加左唔小分，只係飯既口感差小小。