Video
Read full review
2018-02-05
961 views
會黎呢間餐廳食飯全是因為被佢地的法式田螺同埋一款好特別的雀肉牛柳吸引.餐廳唔算好大,坐位擺得闊落,完全没有壓迫感.我地揀左平日晚上黎食,唔太多人,可以享受一頓舒適的晚餐.除左餐牌上的菜式,佢地仲有一啲特別menu寫係黑板上.我地係沖著法式田螺同埋雀肉牛柳而黎,當然要點黎試下.除左呢兩樣外,仲叫左個佢地的創意pizza – Pizza Strawberry Rose.一盤法式焗田螺有六隻田螺,一上枱已經聞到好香的蒜蓉同牛油味.田螺肉好容易就拔到出黎, 螺肉彈牙又juicy而且有好香的香草味,配埋惹味的蒜蓉牛油汁,食完一份好想再encore多份.雀肉牛柳係我好期待的一個菜,睇其他人的食評話佢係用肝醬包住牛柳整成,我好好奇會係點的味道.我地叫左煎7成熟,可惜切開只見到中間有好少粉紅色,應該係overcook左少少.一啖食落去先會食到濃濃的肝醬味,而牛味就要食到煎得無咁熟的部份先會比較濃郁,所以我認為食呢個菜應該要叫raw少少.另外,一碟有兩件牛柳,我覺得兩個人share啱啱好,因為肝醬配牛柳味道幾濃下,食晒兩件會有少少膩.Pizza Strawberry Rose亦係令人好好奇的一個組合,廚
餐廳唔算好大,坐位擺得闊落,完全没有壓迫感.
我地揀左平日晚上黎食,唔太多人,可以享受一頓舒適的晚餐.
除左餐牌上的菜式,佢地仲有一啲特別menu寫係黑板上.
我地係沖著法式田螺同埋雀肉牛柳而黎,當然要點黎試下.除左呢兩樣外,仲叫左個佢地的創意pizza – Pizza Strawberry Rose.
法式焗田螺
$88
10 views
0 likes
0 comments
一盤法式焗田螺有六隻田螺,一上枱已經聞到好香的蒜蓉同牛油味.田螺肉好容易就拔到出黎, 螺肉彈牙又juicy而且有好香的香草味,配埋惹味的蒜蓉牛油汁,食完一份好想再encore多份.
雀肉牛柳
$268
10 views
0 likes
0 comments
雀肉牛柳係我好期待的一個菜,睇其他人的食評話佢係用肝醬包住牛柳整成,我好好奇會係點的味道.我地叫左煎7成熟,可惜切開只見到中間有好少粉紅色,應該係overcook左少少.一啖食落去先會食到濃濃的肝醬味,而牛味就要食到煎得無咁熟的部份先會比較濃郁,所以我認為食呢個菜應該要叫raw少少.另外,一碟有兩件牛柳,我覺得兩個人share啱啱好,因為肝醬配牛柳味道幾濃下,食晒兩件會有少少膩.
Pizza Strawberry Rose
$128
8 views
0 likes
0 comments
Pizza Strawberry Rose亦係令人好好奇的一個組合,廚師話食落會又鹹又甜,好特別的.首先都個pizza個presentation已經好加分,因為粉紅色的pizza真係好夢幻好靚,係一定要餵手機食先.
Pizza 的base sauce係rose custard,玫瑰味好強,係每一啖都食到好香的玫瑰味.其實整個pizza都係偏向甜味,只有食到parma ham先會有鹹味.menu上話佢有mozzarella cheese,但食落又唔係好覺有芝士味.廚師話加mozzarella cheese只是為左有煙韌的口感,所以並没有放很多.
總括黎講,想食啲比較特別而價錢又唔太貴的西餐,呢間餐廳係一個唔錯的選擇.
P.S.原來佢地係休星期日同埋有包場服務,所以如果唔想摸門釘就最好打電話預約左先.
Post
