瑞士咖啡室

Open Now

Now Closed

工廠大廈內一間設計懷舊嘅茶餐廳，呢度嘅餐牌同環境都好懷舊，啲設計都好得意又幾特別。午市提供套餐，價錢$60左右，食物品種多，有焗飯又有炒飯，也有港式茶餐廳一般都有得食嘅嘢，所以選擇好多。鮮茄焗芝士豬扒意粉$60賣相好靚，而且好大碟，豬扒勁厚又大塊，芝士好多非常之正，熱辣辣新鮮出爐嘅焗飯非常之好食，分量多但係全部都食得晒，真係超飽又滿足。喇沙帶子蝦球炒飯$60炒飯唔算多油，食落口飯粒好爽，炒得夠乾身，喇沙味香濃，帶子份量都好多，質地都唔錯好食。凍朱古力奶$10好耐冇飲呢啲玻璃樽裝嘅朱古力奶，今日再次飲返，只需要加$10 ，好抵。