悉尼樂園 (Closed)

一直都好想去呢間搞鬼又趣味嘅cafe，一踏入門口就見到好多懷舊擺設同玩具，牆身有可愛塗鴉，環境帶點昏暗，搞怪玩味十足，整間cafe都係打卡位！餐牌主打即叫即製嘅西式cafe食物，有意粉、沙律、小食同甜品等，飲品除左咖啡外，仲有mocktails同cocktails。喇沙龍蝦汁配大蝦長通粉 $148濃郁既喇沙龍蝦汁，配上爽口彈牙嘅大蝦同車厘茄，口感好豐富，長通粉煙煙韌韌，掛滿濃稠嘅喇沙龍蝦汁，整體味道鮮味帶微辣👍南瓜蟹肉燴飯 $138啖啖充滿南瓜香味，中間夾雜着一絲絲嘅蟹肉， 燴飯食起來有顆粒感，唔會太軟爛，吸飽了湯汁，味道更濃郁鮮美。白酒忌廉藍青口配法包 $78藍青口配白酒忌廉汁味道香滑，藍青口毋須加鹽都夠鮮味，再配上法包蘸汁同吃，滋味無窮。Peach 1664 Blanc Beer $801664 Blanc 小麥啤酒加入桃汁、接骨木花同薄荷等，飲落帶有淡淡嘅桃味，味道清新，仲夠晒冰凍！士多啤梨忌廉沙冰 $50沙冰內有粒粒士多啤梨果肉，配合牛奶沙冰好有口感，面頭加上忌廉，口感香甜順滑。