Video
Read full review
2018-02-25
648 views
老夫子過農曆新年前，我係度碌Facebook見到堅多飲食資訊推介（包括OpenRice），係咁比佢哋炸我啲page。原來老夫子係元朗開咗間新店，搞到我呢個老夫子迷心都癢嘛，好想去見一下老夫子，大番薯，陳先生等等⋯⋯又好想睇下好耐冇睇過嘅＂耐人尋味＂啊。此老夫子餐廳位於形點二期。雖然形點二期唔係好大，但是你要搵一間餐廳都真是不容易。如果你唔熟識形點，你就要第一時間去搵呢個電子顯示屏，佢可以幫你book位，教你點搵你想去的餐廳，算幾方便。一去到老夫子門口，已經見到好多人，超多人係度等位，好彩我用咗電子顯示屏留咗位，所以唔使等好耐就有位了。餐廳外面同裏面都非常有老夫子特色，愛懷舊嘅你應該會喜歡。在等位嘅時候，發現老夫子同大番薯其實已經企係外面等緊同你影相囉。呵呵呵⋯⋯⋯餐廳餐牌設計得好靚，有好多不同種類嘅食物，搞到我有啲眼花撩亂啊⋯⋯⋯好彩，老夫子都好花心思，第一版就介紹咗十大推介，我呢啲有選擇困難症嘅人當然信曬佢，睇住來落單啦⋯⋯heee五花八門，即是美式什扒，見到個樣已經好想食，不過，新年期間食肉太多，所以睇下有冇小啲肉嘅鐵板餐，發現有個＂香煎雞扒拼吉列炸蝦＂，心裡即時講咗：仲唔係你⋯⋯
過農曆新年前，我係度碌Facebook見到堅多飲食資訊推介（包括OpenRice），係咁比佢哋炸我啲page。原來老夫子係元朗開咗間新店，搞到我呢個老夫子迷心都癢嘛，好想去見一下老夫子，大番薯，陳先生等等⋯⋯又好想睇下好耐冇睇過嘅＂耐人尋味＂啊。
此老夫子餐廳位於形點二期。雖然形點二期唔係好大，但是你要搵一間餐廳都真是不容易。如果你唔熟識形點，你就要第一時間去搵呢個電子顯示屏，佢可以幫你book位，教你點搵你想去的餐廳，算幾方便。
一去到老夫子門口，已經見到好多人，超多人係度等位，好彩我用咗電子顯示屏留咗位，所以唔使等好耐就有位了。餐廳外面同裏面都非常有老夫子特色，愛懷舊嘅你應該會喜歡。在等位嘅時候，發現老夫子同大番薯其實已經企係外面等緊同你影相囉。呵呵呵⋯⋯⋯
餐廳餐牌設計得好靚，有好多不同種類嘅食物，搞到我有啲眼花撩亂啊⋯⋯⋯好彩，老夫子都好花心思，第一版就介紹咗十大推介，我呢啲有選擇困難症嘅人當然信曬佢，睇住來落單啦⋯⋯heee
五花八門，即是美式什扒，見到個樣已經好想食，不過，新年期間食肉太多，所以睇下有冇小啲肉嘅鐵板餐，發現有個＂香煎雞扒拼吉列炸蝦＂，心裡即時講咗：仲唔係你⋯⋯
雞扒，原來餐廳好好，佢哋係用雞肶變成雞扒比你食，冇骨的，即是佢哋用全隻雞最滑嘅部分做成雞扒，好正啊⋯⋯雞扒肉滑，軟熟，有雞汁流出來，雞皮炸到好脆口，索索聲。味不咸，調味剛剛好。
炸蝦，細少，蝦肉軟熟，炸到蝦殼都非常脆口，一樣係索索聲，味鮮，仲有蝦味。
薯塊，現炸，鬆脆，質素高，配茄汁是絕配啊。
鐵板剛剛燒熱，放汁落去，仲會喳喳聲。
黑椒汁，味帶咸，點小小用來餸扒是不錯的選擇。
推介指數：8.5/10
膽大包天，即係忌廉溝鮮奶，係我極之想試的一款飲品。可惜，餐廳告訴我，棉花糖機壞了，未能提供。因此，我轉了白雪公主，即是雪碧加雲呢嗱雪糕。
雪碧是懷舊樽裝雪碧，正，加上老夫漫畫，懷舊feel十足啊。
雲呢嗱雪糕，質地好滑，好creamy，不太甜，不錯啊。
推介指數：8/10
鐵板煎雞扒拼炸蝦
$85
19 views
0 likes
0 comments
同上
20 views
0 likes
0 comments
鐵板非常熱，一落汁就知
20 views
0 likes
0 comments
去骨雞肶扒
17 views
0 likes
0 comments
白雪公主
$24
18 views
0 likes
0 comments
Post
