南華軒

Open Now

Now Closed

昨天和朋友去開油麻地，一齊去南華軒食飯，相當方便，一邊食飯一邊睇人打網球，幾有趣。餐廳以懷舊佈置為主調，幾有特色。桂花蕃茄，一粒粒剝了皮的蕃茄，呈現紅通通的顏色，配上桂花汁，清新中帶有淡淡的桂花香氣，是一道不錯的前菜。茶壺功夫湯，賣相好特別，好似潮州功夫茶，內裏卻有乾坤，雞腳、豬肉、乾瑤柱燉肉，老火燉湯，夠入味，甘甜香鮮。碧綠黃耳炒蝦球，蝦球好大隻，重點是好新鮮，非常爽口，有彈性，西芹亦爽脆，相得益彰，正！乾蔥豆豉雞，聞到都香，十分惹味，雞肉好嫩滑，加上薑蔥一齊爆，味道好香濃。豉油皇炒和牛肉腸粉，用瓦煲上，鎖住可熱度和味道，和牛味道濃郁又軟滑，腸粉滑得來幾彈牙，整體食味不錯，值得試試。