莎樂美餐廳

Open Now

Now Closed

好耐無食牛扒，揀左兒時味道的懷舊扒房，個湯特別有風味，鐵板牛扒都好嫩腍，侍應服務也親切，令人回憶的味道。羅倫斯忌廉湯creamy 又滑身，有蟹柳同魚粒，味道唔錯，有誠意。我個人較喜歡紅湯，酸辣都到位，蔬菜足料，溫熱順喉。鮮果挪威煙三文魚沙律之前有3片，而家只有1片煙三文魚，都肥美好味，鮮果沙律都新鮮靚仔。海鮮忌廉酥皮盒有大蝦、八爪魚、帶子粒……都幾豐富，但酥皮仲熱辣辣，酥香脆口帶牛油香，好正。鐵板安格斯肉眼扒5成熟岩岩好，非常嫩腍多肉汁，牛味濃郁，超厚切啖啖肉，口感味道都大讚。海陸空雜扒超級豐富且份量大，有大大隻爽口彈牙大蝦、嫩腍肥美的帶子、醃得入味又鬆化的豬扒、厚身皮脆不膩有彈性的雞扒、火腿、腸仔，飽到上心口。脆炸洋蔥圈已經腍左，但味道幾正，洋蔥炸衣有調味。朱古力雪糕兒時味道，硬雪糕，都重朱古力味，但鍾意啫喱多d。