Video
Read full review
2018-08-13
1595 views
既然今日出開銅鑼灣做野，就緊係把握機會，過海搵食啦。姨甥仔聽見緊唔執輸，事關家姐唔係香港，冇人陪佢喎😏！今晚我就揀左呢間裝修蠻有特色嘅西餐廳，因為聽講啲食物質素唔錯，而且性價比高。其實我唔太肚餓，事關中午我獨自偷吃左個炸豬扒飯🤭😝。但因為姨甥仔話好肚餓，所以我點嘅食物都要肉肉的。先點兩款小食：芝士忌廉蔬菜同蒜香焗肉腸。芝士忌廉蔬菜好香忌廉芝士味，內容有燈籠椒、洋蔥、椰菜花等，不過因為個醬汁有啲稀，所以姨甥話唔夠滿足，如果多啲芝士就好喇，而我就覺得剛好，已經夠哂入味，如果再多芝士就會食唔到蔬菜嘅味道。腸仔落重蒜蓉去焗好香口，不過腸嘅質地腍左啲且切得太薄，如果選擇硬一點嘅腸再切厚片更好。飲品我緊係搵啲特別啲嘅嚟試啦，所以點左草莓加Asahi🤭杯底似係糖漬草莓，撞個Asahi落去，估唔到味道又幾夾喎，個草莓甜味剛好蓋過啤酒少少嘅澀味，好啱女生飲😀，姨甥就點左好普通嘅凍奶茶，因為太普通所以連相都唔記得影😅。主菜我就只點一份，唔係我驚食唔哂，order左招牌豬肋骨，諗住就返番書姨甥仔嘅口味囉😊。上枱就慶幸自己只點了一份主菜，事關豬肋骨好大份，有成十條，兩個人食夠哂飽，再多都食唔落喇。豬肋骨嘅醬汁
今晚我就揀左呢間裝修蠻有特色嘅西餐廳，因為聽講啲食物質素唔錯，而且性價比高。
其實我唔太肚餓，事關中午我獨自偷吃左個炸豬扒飯🤭😝。但因為姨甥仔話好肚餓，所以我點嘅食物都要肉肉的。
先點兩款小食：芝士忌廉蔬菜同蒜香焗肉腸。芝士忌廉蔬菜好香忌廉芝士味，內容有燈籠椒、洋蔥、椰菜花等，不過因為個醬汁有啲稀，所以姨甥話唔夠滿足，如果多啲芝士就好喇，而我就覺得剛好，已經夠哂入味，如果再多芝士就會食唔到蔬菜嘅味道。
腸仔落重蒜蓉去焗好香口，不過腸嘅質地腍左啲且切得太薄，如果選擇硬一點嘅腸再切厚片更好。
飲品我緊係搵啲特別啲嘅嚟試啦，所以點左草莓加Asahi🤭
杯底似係糖漬草莓，撞個Asahi落去，估唔到味道又幾夾喎，個草莓甜味剛好蓋過啤酒少少嘅澀味，好啱女生飲😀，姨甥就點左好普通嘅凍奶茶，因為太普通所以連相都唔記得影😅。
主菜我就只點一份，唔係我驚食唔哂，order左招牌豬肋骨，諗住就返番書姨甥仔嘅口味囉😊。
上枱就慶幸自己只點了一份主菜，事關豬肋骨好大份，有成十條，兩個人食夠哂飽，再多都食唔落喇。
豬肋骨嘅醬汁好入味，其實同外其他American restaurant 嘅味道差唔多，但佢最大嘅分別係係個肉質上。一般美式餐廳嘅肋骨都會煮到好腍爛，用手輕輕撕開就食得，都唔使用刀切。但呢個肉質比較實在，咬落腍軟香口有咬勁，似食燒排骨，所以姨甥笑話佢係中式煮法嘅豉油西餐😅。但我就反而鍾意咁樣，因為美式做法啲肉質似煲湯肉，好爛。店家仲好貼心咁提供一次性手套，帶住嚟食豬肋骨，太爽了，真係抵讚👍
今晚嘅份量剛剛好，我地全部都好輕鬆咁就清哂，跟手食埋甜品添😋，要左柚子芝士蛋糕同草莓奶凍，上枱個擺盤好靚呀😍
個奶凍都幾香滑喎，奶味唔算好重，甜度都適中。
而個柚子芝士蛋糕超正👍，大推，因為佢入口有好香嘅柚子鮮味，但完落after taste係好重嘅奶味😍😍以為自己好飽嘅我三四口就KO左佢喇😝。
Post
