Video
Read full review
2013-11-01
194 views
話說上回食左清閑玉 & 花見丸子 , 賣相其實真係一流 , 不過食落無特別 ( 有既 , 特別貴 ! )今次再訪瀰月屋 , 揀岩野食 , 分數即刻升升升 !! 一行八人 , 比左間房仔我地 , 初頭話人頭費 $100 , 唔係掛 ~ 食個甜品 $100 , 同個晚飯差唔多價錢 !? 原來果間應該係四人房 , 平時人頭費 $100 先可以 book , 知道我地一行八人就話每人叫一樣野食就 ok 抹茶心太軟 -- 抹茶味香濃 , 心太軟流心度理想 , 讚 !葛軟糍 ( 蜜桃味 ) -- 上次見台台都嗌葛軟糍 , 心諗應該好似蒟蒻咁者 , 有咩特別 ?! 今次一嘗季節限定版蜜桃味 , 的確好味 !! 輕微煙韌 , 蜜桃味清甜自然 ~宇治醬抹奶酪燒 -- 奶酪燒餅略縑硬了一點 , 不過個宇治抹茶醬真係不得了 !! 睇黎瀰月屋皇牌產品非抹茶類莫屬 !!蘋果批 -- 原個富士蘋果包上酥皮焗 , 賣相特別而味道不錯 ! 我地仲當左蛋糕俾生日壽星切 , 哈哈 ~竹介豆腐 ( 草莓味 ) -- 未夠幼滑之餘 , 只食到竹介豆腐 ( 草莓味 ) 朱古力味而完全沒有豆腐味 / 口感 !抹茶翠粉草莓方 -
今次再訪瀰月屋 , 揀岩野食 , 分數即刻升升升 !!
一行八人 , 比左間房仔我地 , 初頭話人頭費 $100 , 唔係掛 ~ 食個甜品 $100 , 同個晚飯差唔多價錢 !?
原來果間應該係四人房 , 平時人頭費 $100 先可以 book , 知道我地一行八人就話每人叫一樣野食就 ok
抹茶心太軟 -- 抹茶味香濃 , 心太軟流心度理想 , 讚 !
葛軟糍 ( 蜜桃味 ) -- 上次見台台都嗌葛軟糍 , 心諗應該好似蒟蒻咁者 , 有咩特別 ?! 今次一嘗季節限定版蜜桃味 , 的確好味 !! 輕微煙韌 , 蜜桃味清甜自然 ~
宇治醬抹奶酪燒 -- 奶酪燒餅略縑硬了一點 , 不過個宇治抹茶醬真係不得了 !! 睇黎瀰月屋皇牌產品非抹茶類莫屬 !!
蘋果批 -- 原個富士蘋果包上酥皮焗 , 賣相特別而味道不錯 ! 我地仲當左蛋糕俾生日壽星切 , 哈哈 ~
竹介豆腐 ( 草莓味 ) -- 未夠幼滑之餘 , 只食到竹介豆腐 ( 草莓味 ) 朱古力味而完全沒有豆腐味 / 口感 !
抹茶翠粉草莓方 -- 外面抹茶粉出奇地脆身 , 內裡是類似草莓朱古力味的 mousse 口感 , 一般 ~
日和百匯 -- 嘩 ~ 呢個芭菲真係岩晒貪心既朋友 ! 一次過食晒幾樣野 - 紅豆蓉夠林身而唔會過甜 , 芝麻雪糕芝麻味非常香濃 , 仲有大量蒟蒻呀 , 小丸子呀咁 , 正 ~
五味果子燒 -- 呢個好似個薄餅 , 有 d 生果粒粒 , 朱古力醬 & 抹茶粉係面 , 無特別之餘而實在係 ... 太飽肚啦 !瀰月屋環境氣氛充滿懷舊日本特式 , 十分適合三五合己飯後食個甜品傾下計 , 不過屈腳坐得耐對腳真係好痺 , 所以 ... 我有理由懷疑店主係等大家唔好阻住張台太耐既 !
Post
