Tivoli 意大利餐廳

Open Now

Now Closed

這間好耐歷史既意大利餐廳，裝修仍然是好全統好懷舊臨近聖誕節仲佈置得好有氣氛添，以前食過佢哋既蠋光晚餐今次就試下食午餐啦！午餐有幾款沙律餐，幾款意大利粉餐同一個牛柳餐。。。咁今日就食豐富啲試下食牛柳餐啦！牛柳餐跟多士、餐湯、主菜牛柳可選粉、飯或薯菜同有一杯餐飲。二個人有四塊多士都好多喎配埋牛油，多士微熱香脆。餐湯。。。羅宋湯酸酸甜甜有好多材料唔辣。另一款餐湯。。。粟米忌廉湯好幼滑香甜粟米新鮮。主菜。。。牛柳跟薯菜，牛柳有兩塊肉質好腍唔嚡有牛味，正薯菜有一個薯球好味一大份椰菜好豐富。另外一份就點了跟意粉，一樣有兩塊牛柳意粉都好大份，朋友仔見到話好正呀！