飛鷹餐廳

Open Now

Now Closed

行咗嚟呢間懷舊港式扒房食晏，坐巴士經過，但一直未有機會一嚐。個門口已經感受到果種舊式扒房嘅感覺，一入到去發現燈光係比較暗，而且啲枱都比較迫，不過其實唔滿座，但就迫我哋2個女仔坐喺個隔離係擺雜物嘅邊位到，仲要行都行唔到入個位到，但明明無人，問佢可唔可以轉，佢話唔得，後來有2人入黎又可以坐返正常位，唉。未食已經唔開心又唔開胃。🤦🏼‍♀️🤢另外，個冷氣有時凍到攞命😵。我哋都叫左午餐(蒜蓉牛扒餐)食，價錢係幾抵嘅有湯有包有嘢飲，嚿扒就可以揀配飯/意粉/薯菜，都只係承惠$39。後來發現有其他餐都係$5x嘅水平，但鐵板餐就要成嚿水。我要個白湯唔係好熱亦都好淡，但個餐包🥯就幾鬆軟而且仲好大個！到牛扒🥩喇，個份量都ok(對男仔嚟講可能未必)，味道唔差，唔算太薄，不過口味都係接近茶記果種，但個蒜蓉醬幾惹味嘅，薯條都唔錯。我覺得咁嘅價錢完全收貨啦👍🏻。但除咗價錢同食物合格外，啲侍應態度好差，落單時又無反應，上嘢飲時又chok到杯嘢飲瀉哂😑😑😑。總括嚟講，呢區咁多嘢食，我真係未必會再返嚟食。