Video
Read full review
2021-08-23
979 views
打邊爐不嬲係香港人嘅最愛，我自己都唔例外，前幾日嚟咗呢間灣仔嘅杜老誌大飯店。佢嘅裝修好有港式八九十年代懷舊嘅味道，加上佢最近正式改為火鍋餐廳，有全新嘅餐牌，所以就黎打個邊爐。湯底叫咗大紅袍招牌麻辣湯，果然不愧為招牌，麻辣過癮，香濃惹味，湯底非常之高質。滑牛肉$108滑牛肉新鮮紅潤，仲配埋隻鮮蛋，肉質鮮嫩，而且切片夠晒厚身，有啖啖肉嘅感覺，成個口感更佳。西班牙豬肉$82豬片切片薄身，但煮熟口感又非常滿足，令到咬落去嘅口感結實，而且肉味都好濃郁。水魷$55水魷口感非常之爽脆，脆卜卜嘅口感令人欲罷不能，配搭埋香濃麻辣嘅湯汁，每啖都滋味爆登，非常推薦。雙籽鮮蝦雲吞$75呢個雲吞算係咁數一數二超好食嘅雲吞top3，皮薄餡足，啖啖都食到蝦，非常彈牙爽口，而且充滿咗湯汁，好好食呀。蟹籽墨魚滑$82墨魚滑真心好有質素，彈牙有咬口，煮耐咗都唔會老，每啖都食到好墨魚粒，十分足料。稻庭烏冬$38稻庭烏冬質地彈牙，吸收晒麻辣湯嘅精華，煮熟之後軟熟滑溜，好好味。炸午餐肉$58呢個熟食好有質素，午餐肉表皮炸得香香焦焦，內裏香軟，熱辣辣好好味。萵荀片$35萵荀片份外翠綠，切片厚薄適中，煮熟之後吸收晒湯底嘅精華，非常
湯底叫咗大紅袍招牌麻辣湯，果然不愧為招牌，麻辣過癮，香濃惹味，湯底非常之高質。
滑牛肉$108
滑牛肉新鮮紅潤，仲配埋隻鮮蛋，肉質鮮嫩，而且切片夠晒厚身，有啖啖肉嘅感覺，成個口感更佳。
西班牙豬肉$82
豬片切片薄身，但煮熟口感又非常滿足，令到咬落去嘅口感結實，而且肉味都好濃郁。
水魷$55
水魷口感非常之爽脆，脆卜卜嘅口感令人欲罷不能，配搭埋香濃麻辣嘅湯汁，每啖都滋味爆登，非常推薦。
雙籽鮮蝦雲吞$75
呢個雲吞算係咁數一數二超好食嘅雲吞top3，皮薄餡足，啖啖都食到蝦，非常彈牙爽口，而且充滿咗湯汁，好好食呀。
蟹籽墨魚滑$82
墨魚滑真心好有質素，彈牙有咬口，煮耐咗都唔會老，每啖都食到好墨魚粒，十分足料。
稻庭烏冬$38
稻庭烏冬質地彈牙，吸收晒麻辣湯嘅精華，煮熟之後軟熟滑溜，好好味。
炸午餐肉$58
呢個熟食好有質素，午餐肉表皮炸得香香焦焦，內裏香軟，熱辣辣好好味。
萵荀片$35
萵荀片份外翠綠，切片厚薄適中，煮熟之後吸收晒湯底嘅精華，非常入味，而且爽口卜卜脆，好正啊。
除咗主食火鍋之外，佢嘅手拍青瓜都要贊一贊，醬汁非常微辣惹味，調味恰到好處，而且青瓜清新爽口，作為開胃小菜一流。
整體用餐經驗超正，勁鍾意佢嘅裝修，非常之有港式味道，而且食物質素都非常之一流，值得再encore。
Post
