馬德里餐廳

Open Now

Now Closed

今日同兄弟一齊食個飯，互相update一下。兩個麻甩仔梗係食啲麻甩嘢，最好就係食啲熱辣辣、又傾吓偈嘅地方～·鐵兜焗田螺🍴焗得啱啱好，唔會話太乾亦都冇燶⋯ 上到枱嘅時候係熱到焫嘴🥵🤣🤣 佢本身加咗少少牛油，充滿牛油香之餘，又唔會話落得太多鹽搞到好鹹～ 係唔錯嘅！·鐵板肉眼 & 西冷牛扒🥩🐂肉眼就厚身啲，西冷呢就相對地薄身啲⋯ 不過西冷有西冷嘅好，食落冇咁肥，冇咁多脂肪～ 肉味係比較出～～ 至於肉眼就因為有多少少脂肪，食落會有油香之餘，又充滿牛味～ 同埋食落啲肉係嫩口啲、易嚼啲、感覺係冧身啲嘅～😆 可以話各有各好，最重要係熱辣辣嘅鐵板，再加上店員一大羹汁淋落去「炸⋯ 💣 」一聲，係爽嘅！·菠蘿味啫喱😝作為一個懷舊嘅鐵板餐，點可以冇五顏六色嘅啫喱做總結～ 今日咁啱就係菠蘿味嘅啫喱，然後再加上薄薄地一層嘅花奶喺面，可以話成件事相當懷舊～ 相當有feel～ 啲回憶返晒嚟！