羅麥記 (Closed)

今日係銅鑼灣同朋友行街，行到入希慎廣場，見到有間茶餐廳個招牌好懷舊好吸引，所以我地入去填飽個肚。磚頭黑椒雞排飯入面嘅雞排大大塊，大件得嚟又嫩又多汁，黑椒汁夠濃帶有啲微微嘅辣，外面嘅麵包磚外面烘到微脆，麵包體鬆軟 用嚟沾黑椒汁一流。金菇肥牛煲份量好大，肥牛片好多而且肥瘦均勻，底下嘅粉絲索曬底下嘅汁，送飯真係一流呀。蝦多士係好少地方可以見到，炸得都唔油膩，多士又脆又香口 蝦肉彈牙。乳鴿仔皮脆肉多汁軟嫩，油份又多又香口，一人食幾隻都無問題！蜂蜜菠蘿冰甜甜地帶好微嘅酸，入面好多菠蘿果肉。