杜老誌大飯店 (Closed)

之前已經嚟過銅鑼灣呢一間杜老誌飯店食小菜，而家佢哋就轉左營做火鍋，環境真係好特別，好啱我哋後生仔打卡。嗰日夜晚大概八點上到去都差唔多滿座。我哋今次係嚟慶祝生日，仲買埋蛋糕上嚟添，店員好好幫我哋雪住個蛋糕。火鍋湯底有鴛鴦，我哋叫咗兩款湯底一邊辣一邊唔辣。全部材料都算幾新鮮，我最鍾意食佢個紫菜響鈴好脆口，而且牛肉唔un，好爽口。好特別嘅係佢哋有出呢個梅菜豬肉丸，好得意呀😂我哋叫咗四寶丸入邊其中一款就係梅菜豬肉丸，好食緊肉餅嘅味道，幾有新鮮感嘅。因為我哋嚟食蛋糕店員非常細心，已經幫我哋拎晒好碟仔同餐具俾我哋食蛋糕，整體都幾好，推介👍