Video
Read full review
2020-05-09
1183 views
想試呢間餐廳好耐啦， 今日又到灣仔，一於食個early dinner 試下佢！ 上一條旋轉樓梯後向右就會見到呢間餐廳。五點多六點入座，大概有兩三枱客人。到賣單七點左右，人開始多，有一半滿。 餐廳裝修有懷舊感但亦不失格調，有卡位同普通枱， 唔算太密坐得都舒服。問過waiter， lunch menu & tea menu 應該都只係平日有。佢既a la carte menu 好似有少少唔同咗，見唔到有beef Wellington 同 club sandwich。Fish and chips 份量足夠，味道正常，魚都幾滑，炸得唔會話成口油，值得一讚。黑松露牛柳粒炒飯呢個炒飯味道中規中矩，分量正常，牛柳粒份量唔算多，但黑松露份量好慷慨。最值得一讚係佢既飯底，炒得有水準！飯炒得乾身唔油，粒粒分明有咬口。 火焰雪山 最後食埋個甜品， 佢都幾大個，4個人都可以share一個，上枱照舊有淋火環節，影相一流。waiter 好細心等啲酒精揮發一陣先淋。外面暖暖地既蛋白，中層比較硬身既麵包蛋糕加裏面既朱古力雪糕。呢個咁懷舊既巨型甜品值得一試！依家有啲西餐廳都有呢款，但就係細細個普通西餅咁既樣。同同枱人分
上一條旋轉樓梯後向右就會見到呢間餐廳。
五點多六點入座，大概有兩三枱客人。到賣單七點左右，人開始多，有一半滿。
餐廳裝修有懷舊感但亦不失格調，有卡位同普通枱， 唔算太密坐得都舒服。
問過waiter， lunch menu & tea menu 應該都只係平日有。佢既a la carte menu 好似有少少唔同咗，見唔到有beef Wellington 同 club sandwich。
Fish and chips
份量足夠，味道正常，魚都幾滑，炸得唔會話成口油，值得一讚。
黑松露牛柳粒炒飯
呢個炒飯味道中規中矩，分量正常，牛柳粒份量唔算多，但黑松露份量好慷慨。最值得一讚係佢既飯底，炒得有水準！飯炒得乾身唔油，粒粒分明有咬口。
火焰雪山
最後食埋個甜品， 佢都幾大個，4個人都可以share一個，上枱照舊有淋火環節，影相一流。waiter 好細心等啲酒精揮發一陣先淋。外面暖暖地既蛋白，中層比較硬身既麵包蛋糕加裏面既朱古力雪糕。呢個咁懷舊既巨型甜品值得一試！依家有啲西餐廳都有呢款，但就係細細個普通西餅咁既樣。同同枱人分享呢個巨型甜品，就好似時光倒流，簡單都可以好開心。
員工服務態度唔錯，問多少少問題都樂意解答，幾滿足的一餐！
Post
