薯仔屋 (Closed)

薯仔屋. 查實今年都比較少出街，我哋都有好一段時間冇去銅鑼灣行足一日街啦，咁啱早幾日放假心血來潮就去下港島玩啦，周圍行吓發覺又多人返都有少少覺得危險。於是行吓行吓決定喺入邊比較少人嘅地區揀嘢食咁啱見到一間懷舊的小店，於是諗住想去碰吓運氣估唔到又幾有驚喜。驚喜嘅地方在於佢呢度嘅擺設非常之豐富，有遊戲機啦，寵物啦，漫畫啦，小朋友休憩地方啦，足球機啦，麻雀雖小五藏俱全，最令我有深刻印象嘅係佢有一個好大好大嘅飾物櫃去裝7,80年代嘅機械人玩具，睇得出呢個店主係非常之喜歡卡通片，非常之有童心！而且食物都唔錯，我哋叫咗得獎豬肋條，意大利闊條麵，同懷舊飲品。當中得獎嘅豬仔骨係最正嘅因為佢整得好入味好林同埋份量都好適合而且佢伴菜嘅鋪天芝士薯條呢都好好食，好有懷舊嘅風味！意大利闊條麵都唔錯啦芝士同肉醬非常之多飲品亦都幾唔錯一路食住好食嘅晚餐再望住咁多玩具令到成個人都好輕鬆最後我哋仲玩左鋪足球遊戲先走，好滿足！