水手有限公司(快餐店)

Open Now

Now Closed

呢間快餐店我N年前仲係學生果陣已經係度了。當時食個疊頭飯先廿零蚊。今次從返舊地，見到入面既裝修擺設同以前一模一樣，真係咩回憶都一湧而出。宜家我地有返咁上下經濟能力，當然係升呢食小菜啦。望下餐牌，嘩！估唔到今時今日仲有５０蚊一個小菜包飯包野飲，真係抗通脹。我地三人叫三個小菜share。叉燒炒蛋好有鑊氣，雖然叉燒唔係話好靚，但比佢咁樣炒一炒又幾好食。再黎豆腐火腩煲，佢既做法比較多汁一點，幾欣賞既係佢仲落左少少生菜，對於我呢D成日出街冇菜好食既人黎講係一個bonus。雜菜煲就麻麻地啦，味道教淡同埋太多非綠色既蔬菜。不過咁既價錢食到咁好份量既野，真係唔話得。