港原味 (Moved) New Location

夜晚七點左右陪人係大角嘴附近睇完新樓，被附近一間充滿老香港室內壁畫設計的餐廳吸引了入去。Order 了：🟠咖喱芝士農夫包（牛肉）$99 「set包熱飲☕️」Curry Bread with Beef由咖哩、芝士、牛肉、薯仔🥔、麵包一齊烤焗出黎，咖哩微辣，令味道更出，麵包🥯外脆內軟有少許椰香味，再沾上咖哩和芝士汁實在太夾！薯仔好入味、牛肉肉味膿再配上勁多芝士一齊食，間中試下新配搭，味道都唔錯。🟠糖醋魚塊 $88 「包白飯+熱飲☕️」Sweet & Sour Fish 魚塊無骨，酸酸甜甜好開胃，菠蘿好甜甜哋，送飯一流。呢個餐加$8配餐湯，是日靚湯係🔸蕃茄薯仔雞腳湯，果然足料！蕃茄味膿、無味精。🟠餐飲叫左熱奶茶和凍鴛鴦，達茶餐廳的水準。地方坐得舒服😌人均消費大約$100左右。另帶一提見到啲得意野，餐廳牆壁畫畫了一隻鸚鵡🦜超立體！經過見到的時候以為有一隻真鸚鵡係度😝。