Video
Read full review
2019-09-07
876 views
芝士炒蛋多士 $31黎到冰室茶記成日都想試下啲多士 是晚叫左麵叫左小菜都仲特登加份多士小食炒蛋係件多士既精髓 茶記啲炒蛋仲係炒得比自己整既好食 夠哂滑 同芝士配其實都幾邪惡呢份芝蛋多又唔算好漏 多士就大大地 有返咁上下厚度其實唔知可唔可以叫烘底呢 上左檯先醒起 畢竟烘過會香口啲菠蘿生炒骨 $88其實生炒骨咕嚕肉呢類菜式 煮出黎差異唔會好大 岩食既自然鍾意呢碟生炒骨我覺得啲肉實左啲 要出返些少牙力 口感就有返一貫既脆身肉以外既配料一定洋蔥波蘿青椒 同個汁一樣係重口味類 我覺得要比較唔同地方既呢道菜 可能係睇個汁既酸度 呢碟就相對無咁酸 岩唔岩睇個人喜好椒鹽鮮魷 $98食中式小菜椒鹽鮮魷真係無得點輸 至少係我心目中既top 3之選 除非果期怕熱氣呢碟椒鹽鮮魷處理得唔錯 香脆可口 熱辣辣 鮮魷唔少 椒鹽都算足 而且唔係一味靠椒鹽既咸 咬到啲少椒鹽cover既鮮魷都好食想食香口野就叫佢 穩陣之選 下酒一流 不過好似無賣酒 叫杯紅豆冰啦鐵板銀芽肉絲炒麵 $68炒到麵底硬身既呢道菜唔似間間中菜館或茶記都食得到鐵板上就梗 起菜zhazha聲 先聲奪人配料大量肉絲同芽菜 有啲香蔥香菇吊下味 其實我就唔
芝士炒蛋多士 $31黎到冰室茶記成日都想試下啲多士 是晚叫左麵叫左小菜都仲特登加份多士小食
炒蛋係件多士既精髓 茶記啲炒蛋仲係炒得比自己整既好食 夠哂滑 同芝士配其實都幾邪惡
呢份芝蛋多又唔算好漏 多士就大大地 有返咁上下厚度
其實唔知可唔可以叫烘底呢 上左檯先醒起 畢竟烘過會香口啲
菠蘿生炒骨 $88
其實生炒骨咕嚕肉呢類菜式 煮出黎差異唔會好大 岩食既自然鍾意
呢碟生炒骨我覺得啲肉實左啲 要出返些少牙力 口感就有返一貫既脆身
肉以外既配料一定洋蔥波蘿青椒 同個汁一樣係重口味類 我覺得要比較唔同地方既呢道菜 可能係睇個汁既酸度 呢碟就相對無咁酸 岩唔岩睇個人喜好
椒鹽鮮魷 $98
食中式小菜椒鹽鮮魷真係無得點輸 至少係我心目中既top 3之選 除非果期怕熱氣
呢碟椒鹽鮮魷處理得唔錯 香脆可口 熱辣辣 鮮魷唔少 椒鹽都算足 而且唔係一味靠椒鹽既咸 咬到啲少椒鹽cover既鮮魷都好食
想食香口野就叫佢 穩陣之選 下酒一流 不過好似無賣酒 叫杯紅豆冰啦
鐵板銀芽肉絲炒麵 $68
炒到麵底硬身既呢道菜唔似間間中菜館或茶記都食得到
鐵板上就梗 起菜zhazha聲 先聲奪人
配料大量肉絲同芽菜 有啲香蔥香菇吊下味 其實我就唔使好多肉都得 都係想食下炒麵多 好耐無食
麵就唔使多講 整得卜卜脆 份量好多 啲咁脆口既麵雖然香口 不過幾頂肚下 我就真係眼闊肚窄食唔哂 或者沾下汁易啲入口既
睇返個價其實個麵算抵玩 可以一戰
Post
