Video
Read full review
2007-10-29
5 views
明記晌西灣河都好出名吓，今次係一個住西灣河老友Keith伯伯帶我去試！因為食咗晏先過哩食，所以當食甜品！去到明記，雖然佢叫「明記糖水」，但格局好正、好懷舊嘅茶室感覺，地方細細，地板仲係薄荷綠加墨綠一格格嘅紙皮石，卡位仲係舊式硬板硬凳，地方都好新凈，睇埋去似冰室多過糖水鋪！老闆話佢哋仲有間分店係附近，話新Ｄ，闊落Ｄ，但我都係鍾意哩間多Ｄ！（註：多謝之前嘅Babybusbus老友，唔怪之得咁冰室格局，但就買糖水啦，原本有段故！唔該晒！）佢哋有成幾十款糖水，眼花撩亂，新派又有，傳統又有，近輪潮流興嘅佢都有，小食、拉麵、烏冬亦都有！結果我揀咗鮮雜果河粉（$27），老友揀鮮雜果甘露（$27），哩到先知好大碗吓，份量係大概平時嘅飯碗兩大碗再多ＤＤ，女仔可以一碗兩份食！所以，我哋最後Share哩食，老闆好好人，見我哋食唔晒問使唔使打包，梗要啦，咁好食，攞走唔好嘥！至於個兩個甜品係乜，鮮雜果河粉其實係鮮雜果西米撈加咗Ｄ好似河粉樣嘅椰汁糕，好香椰汁味同好滑身，但就唔會好似椰汁糕咁易軋爤軋斷，雖則話叫河粉，不過都好粗吓，叫烏冬貼切Ｄ！Ｄ「河粉」鋪滿成個碗面，撥開下面有好多生果（西瓜、哈蜜瓜、蜜瓜、芒果、香
去到明記，雖然佢叫「明記糖水」，但格局好正、好懷舊嘅茶室感覺，地方細細，地板仲係薄荷綠加墨綠一格格嘅紙皮石，卡位仲係舊式硬板硬凳，地方都好新凈，睇埋去似冰室多過糖水鋪！老闆話佢哋仲有間分店係附近，話新Ｄ，闊落Ｄ，但我都係鍾意哩間多Ｄ！（註：多謝之前嘅Babybusbus老友，唔怪之得咁冰室格局，但就買糖水啦，原本有段故！唔該晒！）
佢哋有成幾十款糖水，眼花撩亂，新派又有，傳統又有，近輪潮流興嘅佢都有，小食、拉麵、烏冬亦都有！結果我揀咗鮮雜果河粉（$27），老友揀鮮雜果甘露（$27），哩到先知好大碗吓，份量係大概平時嘅飯碗兩大碗再多ＤＤ，女仔可以一碗兩份食！所以，我哋最後Share哩食，老闆好好人，見我哋食唔晒問使唔使打包，梗要啦，咁好食，攞走唔好嘥！
至於個兩個甜品係乜，鮮雜果河粉其實係鮮雜果西米撈加咗Ｄ好似河粉樣嘅椰汁糕，好香椰汁味同好滑身，但就唔會好似椰汁糕咁易軋爤軋斷，雖則話叫河粉，不過都好粗吓，叫烏冬貼切Ｄ！Ｄ「河粉」鋪滿成個碗面，撥開下面有好多生果（西瓜、哈蜜瓜、蜜瓜、芒果、香蕉同黑珍珠），Ｄ生果都幾甜。另一款鮮雜果甘露其實只係楊枝甘露加咗好多鮮雜果，唔算有咩驚喜，西米都好爽，珍珠都好咬口，平穩啦。兩款糖水都好足料，都ＯＫ嘅！
Post
