公子茶座 (Closed)

嚟到九龍灣唔想淨係食連鎖嘅餐廳，就嚟到德寶商場，見到呢間餐廳，裝修好特別，幾懷舊嘅感覺，仲有卡位坐，重點係好乾淨，價錢仲要好親民😍😍店主超級Nice，都有講到原來前身係一間多年老店，係自己再將舖頭改造成而家又懷舊得黎野食又創新嘅茶記🥹🥹我哋平日晚市大約6:00去到，好彩都唔使排隊，一睇佢哋嘅Menu已經覺得佢地放咗好多心機去經營，大部份晚市嘅嘢食都有相，真係比顧客睇真係清清楚楚，最緊要佢叫嘅嘢食同相一模一樣！！今次真係圖文相符hahah我地三個人叫咗招牌生煎肉餅（$68），彩椒生炒骨（$78），惹味椒鹽粟米條（$78），白飯（$10），藍莓檸檬特飲（$26），龍鳳檸檬雪碧（$26）啲嘢食上到嚟真係哇一聲，因為都好大碟🥰見到個生煎肉餅真係心心眼，仲要有好多件，外脆內軟，食落去好香豬肉味，仲要好Juice，一食落去就知道係落單之後即刻煎，我哋幾個女仔第一碟K.O.嘅就係尼一碟，彩椒生炒骨都有幾多肉😍😍又脆又好食，仲有好多唔同嘅配菜，個粟米條鹹鹹香香咁，仲有少少辣，粒粒都咁飽滿，份量重要好多，堆到成座山咁高，兩杯特飲都正常發揮幾好飲，藍莓檸檬特飲，唔算好甜適合女仔飲，龍鳳檸檬仲可以揀可樂嚟飲