十下火鍋

天氣涼咗，又係時候約朋友去打邊爐。呢間餐廳播住好多懷舊金曲，撞啱有人生日會播生日串燒歌，非常之好氣氛。平日去都坐滿人。店員服務及態度良好，會主動幫你片走湯面上既泡泡同換碟。點咗四人套餐，可選鴛鴦湯底，食物包括大刀手切本地牛頸脊、花雕醉雞、十下三寶滑、鳳城水餃、麻辣鴨血、三星蔥醬爆貢丸、懷舊果皮魚蛋、沙爆魚肚、脆炸響鈐、蔬菜拼盤。初頭以為會唔夠食，最後上滿成張枱，花雕醉雞好味，有酒香同啲雞好滑，大滿足。