Video
Read full review
2019-10-24
639 views
2019年10月16日 星期三今日專登同女朋友請假，去影樓影婚紗相，影左差唔多半日，影完之後先至去食嘢。由於實在太肚餓，就決定喺附近搵嘢食就算，最後行咗去島仔嘅百味閣餐廳一入到去就好似置身係六七十年代嘅餐廳咁，裝修得好懷舊，好有以前港式歐美嘅風格咁啱我哋入去嘅時段係下午茶時間，所以除咗叫正餐之外，仲可以叫下午茶。餐牌睇上去有好多嘢食，而且價錢唔太貴，好貼地平民嘅價錢首先到嘅係我叫嘅紅豆冰，好大杯，見到紅豆嘅份量佔左差唔多杯既一半，仲要係半融既狀態，唔係一粒粒未熟。最有心思嘅係冰唔係一粒粒，而係碎冰，呢一樣真係冇乜其他餐廳做到跟住就有帶子粒鮮蠔周打湯，個湯一d都唔稀，啖啖散發蠔既鮮味，同梳打餅一齊食口感更加豐富蔬菜龍脷魚柳好大塊魚柳，而且啱啱好熟，上面仲有塊太陽蛋，一切開啲蛋黃流晒出嚟，連埋魚柳一齊食幾配合。至於多士就飛左邊，食落好軟熟牛油焗杏仁蜜糖多士呢個真係要強烈推介，多士切開咗一粒粒，每粒都查均咗蜜糖，上面仲有杏仁碎片同提子乾，咬落脆卜卜，甜度啱啱好，你好出色的甜品之後仲有煎雞扒，雞扒份量都唔少，好厚身，上碟嘅時候已經切開咗細細舊，方便進食，而調味都好足夠最後我同女朋友再叫咗一件蛋
今日專登同女朋友請假，去影樓影婚紗相，影左差唔多半日，影完之後先至去食嘢。
由於實在太肚餓，就決定喺附近搵嘢食就算，最後行咗去島仔嘅百味閣餐廳
一入到去就好似置身係六七十年代嘅餐廳咁，裝修得好懷舊，好有以前港式歐美嘅風格
咁啱我哋入去嘅時段係下午茶時間，所以除咗叫正餐之外，仲可以叫下午茶。餐牌睇上去有好多嘢食，而且價錢唔太貴，好貼地平民嘅價錢
紅豆冰
19 views
0 likes
0 comments
首先到嘅係我叫嘅紅豆冰，好大杯，見到紅豆嘅份量佔左差唔多杯既一半，仲要係半融既狀態，唔係一粒粒未熟。最有心思嘅係冰唔係一粒粒，而係碎冰，呢一樣真係冇乜其他餐廳做到
帶子粒鮮蠔周打湯
20 views
0 likes
0 comments
跟住就有帶子粒鮮蠔周打湯，個湯一d都唔稀，啖啖散發蠔既鮮味，同梳打餅一齊食口感更加豐富
蔬菜龍脷魚柳
22 views
0 likes
0 comments
蔬菜龍脷魚柳
好大塊魚柳，而且啱啱好熟，上面仲有塊太陽蛋，一切開啲蛋黃流晒出嚟，連埋魚柳一齊食幾配合。至於多士就飛左邊，食落好軟熟
牛油焗杏仁蜜糖多士
14 views
0 likes
0 comments
牛油焗杏仁蜜糖多士
呢個真係要強烈推介，多士切開咗一粒粒，每粒都查均咗蜜糖，上面仲有杏仁碎片同提子乾，咬落脆卜卜，甜度啱啱好，你好出色的甜品
煎雞扒
12 views
0 likes
0 comments
之後仲有煎雞扒，雞扒份量都唔少，好厚身，上碟嘅時候已經切開咗細細舊，方便進食，而調味都好足夠
橙味芝士蛋糕
7 views
0 likes
0 comments
最後我同女朋友再叫咗一件蛋糕嚟食，係香橙味道嘅芝士蛋糕，橙味好重，酸酸甜甜咁幾特別，而芝士蛋糕嘅部份就入口即溶，邪惡得來好好食
臨走打算埋單嘅時候見到收銀處有零食賣，原來係餐廳自家製嘅食品，其中見到有棉花糖餅，原來係餐廳研究出嚟嘅新食品，有好多款唔同嘅味道，我哋即場買咗一包拆嚟試吓，發現口感真係好似棉花糖，但係中間係餅乾仲有唔同乾果既餡料，幾有驚喜
埋單嘅時候每人$100都唔使，可以食到咁高質素嘅食物，又可以置身於懷舊嘅茶餐廳裏面，真係物超所值
Post
