Video
Read full review
2008-05-19
97 views
五月十七日(六)老婆過左黎我度，因為已經食左小小野，所以到附近友記度食番碗車仔麵。尼度又係由大磡村搬過黎，亦都有名星黎過上過下報紙雜誌咁～店舖簡樸裝修給人一種懷舊感覺，是日三點度黎差不多都滿座，剛好有一枱卡位走所以坐了卡位～看到貼出來價錢真的很便宜，麵底4元，牛腩、牛肚、牛根、豬腸、雞翼4元，其他一律3元！叫了兩碗四餸麵，豬腸、牛肚、雞翼尖、生菜河粉($18)及豬紅、雞翼、腸仔、生菜米粉($17)，廿蚊碗都唔使，連價錢都咁懷舊，抵～豬腸：幾入味，腸中肥膏不多，質地剛好，不錯~牛肚：切細左，但幾淋幾入味，亦都不俗～雞翼：應該炸起一段時間，有點硬身，味道是一般炸雞翼，無驚喜～雞翼尖：咖哩味入味，整得唔錯，如果雞翼用尼個方法整應該好過炸～豬紅：較細舊，但夾落唔會散，味道幾好，三蚊黎講都俾左好多～腸仔：係尼度算係貴價野，三蚊一條，比平時五蚊二條為貴～秘製咖哩汁：尼個真係幾掂，夠香辣，落左成碗麵都好食好多，而且係自己落，落多落小要多辣油定多咖哩適隨尊便，讚～總整黎講真係好滿意，四餸一麵廿蚊都唔使又好食又有Feel，以後要多d黎食先得喇！
老婆過左黎我度，因為已經食左小小野，所以到附近友記度食番碗車仔麵。尼度又係由大磡村搬過黎，亦都有名星黎過上過下報紙雜誌咁～
店舖簡樸裝修給人一種懷舊感覺，是日三點度黎差不多都滿座，剛好有一枱卡位走所以坐了卡位～
看到貼出來價錢真的很便宜，麵底4元，牛腩、牛肚、牛根、豬腸、雞翼4元，其他一律3元！
叫了兩碗四餸麵，豬腸、牛肚、雞翼尖、生菜河粉($18)及豬紅、雞翼、腸仔、生菜米粉($17)，廿蚊碗都唔使，連價錢都咁懷舊，抵～
豬腸：幾入味，腸中肥膏不多，質地剛好，不錯~
牛肚：切細左，但幾淋幾入味，亦都不俗～
雞翼：應該炸起一段時間，有點硬身，味道是一般炸雞翼，無驚喜～
雞翼尖：咖哩味入味，整得唔錯，如果雞翼用尼個方法整應該好過炸～
豬紅：較細舊，但夾落唔會散，味道幾好，三蚊黎講都俾左好多～
腸仔：係尼度算係貴價野，三蚊一條，比平時五蚊二條為貴～
秘製咖哩汁：尼個真係幾掂，夠香辣，落左成碗麵都好食好多，而且係自己落，落多落小要多辣油定多咖哩適隨尊便，讚～
總整黎講真係好滿意，四餸一麵廿蚊都唔使又好食又有Feel，以後要多d黎食先得喇！
Post
