阿四車仔麵 (Closed)

近年車仔麵越出越多花款，但係我最鍾意食嘅都係傳統懷舊車仔麵。喺旺角俾我搵到一間好傳統嘅港式車仔麵，價錢都幾抵，嘢食唔錯，最緊要係食到以前細個車仔檔嘅嗰一種風味。面底有選擇粗面，麵質爽口彈牙，唔會太硬。湯底揀咗麻辣味，餐廳好細心咁將辣椒油用匙羹裝起，客人可以按照自己食開嘅辣度去加入辣椒油。辣汁麻味十足，十分惹味，唔會得種死辣搶喉味。配料揀咗蘿蔔、豬腸、豬皮和雞翼尖。蘿蔔入味不過略嫌有渣；豬腸醃得夠味，亦都好夠肥，味道不錯，不過口感就硬身咗少少；豬皮夠林、雞翼尖的滷水汁香口，整體來講唔錯。凍檸茶茶底夠曬濃味，唔會太苦澀，甜度亦都適中