中環茶記 (Closed)

呢間坐落喺中環威靈頓街嘅中環茶記，門口有好有年代色彩嘅霓虹燈， 左龍右鳳，非常有六七十年代嘅感覺。由於來時樓下已經滿座，店員於是安排左我地去二樓嘅雅座卡位，牆身掛住好多懷舊嘅照片，裝修好有年代感。香煎美國西冷牛扒上枱時發覺呢度嘅西冷牛扒份量頗大，醬汁可選擇黑椒汁、燒汁同埋洋蔥汁。牛扒大約七成熟左右，有少少筋，食落有嚼勁之餘但一點都唔覺得韌。另外肉汁好多，相信應該係鐵板有效地鎖著肉汁。另外配有薯條同雜菜，薯條是波浪形粗薯條，配上黑椒汁一齊食，一流！原隻燒春雞 同樣地，燒春雞都很大隻， 份量十足！ 燒春雞同扒類一樣都係用鐵板上，上枱時已經聞到燒雞嘅香味。燒春雞嘅肉質很嫩滑且多汁，淋上燒汁之後， 又係另一種味道嘅嘗試。燒春雞都是配上蔬菜和粗薯條， 份量亦係十足！龍鳳檸樂你會發現佢係將檸檬同青檸分別被冰相隔，倒上可樂之後，兩種檸味互相融合，幾清新，可謂酸咸甜嘅感覺同時享受。凍柚子茶清涼之選，飲落唔會覺得太甜，潤喉，柚子味好突出。