Video
Read full review
2022-08-16
1388 views
2022年8月2日 星期二今晚同老婆兩個人去咗沙田新城市廣場食飯最後又嚟咗永年茶餐廳，因為突然間好想鋸扒，裏面嘅裝修仍然一樣好懷舊鐵板套餐都有好多選擇，無論牛扒、雜扒或者三文魚扒都有得揀，價錢商場嚟講都算合理，最後我哋每人叫咗一個鐵板餐首先嚟到嘅係飲品，我哋分別要咗夏日推介，士多啤梨乳酸梳打同藍柑菠蘿乳酸梳打，個人覺得兩款飲品味道都係酸酸甜甜，飲完之後幾開胃同醒神，而且夠晒冰凍跟住有餐湯，分別係周打蜆肉魚湯同招牌牛尾羅宋湯，周打魚湯打得好幼滑，而且真係食到一粒粒蜆肉，至於老婆叫嘅牛尾湯，就算未食都見到有好多配料，味道好豐富，加上煮到好腍，每一啖都食到蔬菜同牛尾然後我哋加錢要咗香脆蒜蓉包，麵包好厚身，上面有好多蒜蓉，烤完之後脆卜卜，有香濃蒜蓉味之後到鐵板餐登場，有美國頂級肉眼扒，老婆要咗五成熟配洋蔥汁，嚟到嘅時候見到已經好震撼，肉同配料分開咗兩個鐵板放，等洋蔥汁淋上去肉嘅時候，配料唔會浸晒落去醬汁到，肉眼扒好容易就切開，食落去完全唔韌，肉味好濃郁至於我就要咗雜扒鐵板餐，有牛扒、雞扒同豬扒，配上黑椒汁，三塊扒都煎得好香，而且淋上黑椒汁，食落去就更加惹味，個人覺得最好食嘅係雞扒，因為厚身得黎
今晚同老婆兩個人去咗沙田新城市廣場食飯
最後又嚟咗永年茶餐廳，因為突然間好想鋸扒，裏面嘅裝修仍然一樣好懷舊
鐵板套餐都有好多選擇，無論牛扒、雜扒或者三文魚扒都有得揀，價錢商場嚟講都算合理，最後我哋每人叫咗一個鐵板餐
首先嚟到嘅係飲品，我哋分別要咗夏日推介，士多啤梨乳酸梳打同藍柑菠蘿乳酸梳打，個人覺得兩款飲品味道都係酸酸甜甜，飲完之後幾開胃同醒神，而且夠晒冰凍
跟住有餐湯，分別係周打蜆肉魚湯同招牌牛尾羅宋湯，周打魚湯打得好幼滑，而且真係食到一粒粒蜆肉，至於老婆叫嘅牛尾湯，就算未食都見到有好多配料，味道好豐富，加上煮到好腍，每一啖都食到蔬菜同牛尾
然後我哋加錢要咗香脆蒜蓉包，麵包好厚身，上面有好多蒜蓉，烤完之後脆卜卜，有香濃蒜蓉味
之後到鐵板餐登場，有美國頂級肉眼扒，老婆要咗五成熟配洋蔥汁，嚟到嘅時候見到已經好震撼，肉同配料分開咗兩個鐵板放，等洋蔥汁淋上去肉嘅時候，配料唔會浸晒落去醬汁到，肉眼扒好容易就切開，食落去完全唔韌，肉味好濃郁
至於我就要咗雜扒鐵板餐，有牛扒、雞扒同豬扒，配上黑椒汁，三塊扒都煎得好香，而且淋上黑椒汁，食落去就更加惹味，個人覺得最好食嘅係雞扒，因為厚身得黎又夠嫩滑，切落去仲有肉汁流出黎添
埋單兩個人$500有找，食到勁飽
Post
