波士頓餐廳

Open Now

Now Closed

細細個已經由家姐帶嚟食扒，波士顿係湾仔好出名，可算係鐵板餐嘅鼻祖。朋友約食晚飯，話好耐無嚟食扒，特登嚟懷舊。睇餐牌，啲嘢貴咗好多。入到餐廳，見到唔少座上客，睇嚟生意唔錯。三個人都叫牛扒餐，分別係西冷牛扒同牛柳，全部要五成熟。雜菜頗多，比較油膩，味道不過不失。餐包質感鬆散，無香味，要搽牛油提味。西冷牛扒，肉質口感同快餐店幾十蚊嘅差不多，但呢個就要二百幾近三百蚊嘅穫仔牛柳，肉質同口感都一般。牛柳肉質一般，無乜肉味，大蝦就過熟三個扒餐二百幾連加一，盛惠九百，唔算平，但食物質素同快餐店差不多，俾我哋印象係失望，應該唔會再嚟。