羅麥記 (Closed)

星期日陪朋友去行銅鑼灣，之前好少去行希慎廣場，原來十幾樓嗰度都有幾多嘢食喎。最後我哋揀咗一間好有地道特色嘅茶餐廳-羅麥記！～一上到去就被佢門面啲設計吸引着，好有6，70年代嘅風味👍🏻👍🏻👍🏻👍🏻依度嘢食原來中西合璧，上OpenRice睇吓其他食家嘅推介，原來呢度最出名就係撈丁同紅豆奶茶！見到卡邦尼黑松露撈丁幾得意，中西合壁嘅感覺，由於我哋都太肚餓，所以仲嗌多咗個磗頭焗豬扒飯，蜜糖雞翼同哈哈哈炒飯。黑松露撈丁好多黑松露醬！食落好香，同卡邦尼汁奶味濃，食落好香滑！最有驚喜係哈哈哈炒飯，勁多蝦醬！蝦仁同蝦乾都好大粒！飯都粒粒分明，好有獲氣！配多杯凍檸樂，夾到不得了！最後點多個美祿牛奶包，好創新同埋味道都唔錯👍🏻👍🏻賣出單兩個人先三百幾蚊，銅鑼灣區嚟計，有view又有質素嘅餐廳，仲要食到咁飽，一d都唔貴，絕對超值。