炊豕店 (加路連山道) (Closed)

今日黎到銅鑼灣，又唔想食啲貴價餐廳，於是行黎加連臣山，呢個充滿平價美食既地方。當時仲早，大約6點45左右，就已經見到一間小店有幾個人排緊隊，諗住應該係好好食既小店，於是就決定去食😋呢度換枱率都幾快（限食30-45分鐘），所以我地唔洗7點就入到去💛（相入面係食完大約7:45影，可見到呢間店有幾受歡迎😋）本身都唔知呢間店有咩咁特別，但入到去真係有種60年代既感覺，有年代感，但唔代表污穢！店面非常整潔，但因為想服務到較多食客，所以走廊位都比較窄，服務員經過上菜/攞飲品都頗容易撞到我地，係比較唔好既一點。講返啲食物啦，我同友人揀左 話梅花雕豬手飯 （$52）同埋秘製豬扒飯（肉燥汁）（$52），加上一客小食椒鹽魷魚（$38），加埋都係好抵食😋一上菜就嚇親我地，因為份量真係好足，豬扒脆得黎又大件，就算我呢啲食好多既人食完都飽晒。個豬扒外脆內軟，仲好滑，有咬感得黎又唔會好難咬爛🤔唔怪得係推薦🤔肉燥汁好適宜，肉同汁既比例岩岩好，口感非常好！另外既豬手飯本身我唔太好，不過試左一啖覺得滷水既汁好入味，好足料，亦唔會有太多骨，都幾方便食😋店員都會提供碟比我地盛骨，方便我地將食完既擺去隻碟，唔係會滿到食唔到😂